Драма во Куманово: Се заканил дека ќе ги запали живи ќерката и внуката, им фрлил бензин во куќата!
Обвинителството бара притвор за 54-годишниот Кумановец, за кого се сомнева дека во алкохолизирана состојба, истурил две шишиња бензин во семејната куќа и се заканил дека ќе ги запали живи својата ќерка и внука.
Според Обвинителството, станува збор за повторено семејно насилство. Против осомничениот веќе е поднесено обвинение за нанесување телесна повреда на неговата ќерка.
Проценката на ризик утврди сериозен ризик за животот и безбедноста на жртвите. Поради оваа причина, обвинителот побара најстрога мерка – притвор.



