Kryeministri izraelit Benjamin Netanyahu njoftoi të premten se është diagnostikuar me kancer të prostatës.
Netanyahu sqaroi se iu nënshtrua një trajtimi që e eliminoi problemin dhe nuk la asnjë shenjë të tij.
“Sot u publikua raporti im vjetor mjekësor. Kërkova që publikimi i tij të shtyhet me dy muaj, në mënyrë që të mos publikohet në kulmin e luftës, në mënyrë që të mos lejohet regjimi terrorist iranian të përhapë edhe më shumë propagandë të rreme kundër Izraelit”, tha ai në një deklaratë.
“Pata një problem të vogël mjekësor me prostatën që u trajtua plotësisht. Falë Zotit, e kam lënë pas”, shtoi ai, duke vënë në dukje se është i shëndetshëm dhe aktualisht në “gjendje të shkëlqyer fizike”.
Netanyahu tha se iu nënshtrua me sukses një operacioni për një prostatë beninje të zmadhuar një vit e gjysmë më parë dhe gjatë monitorimit të tij të fundit mjekësor, “u zbulua një njollë e vogël më pak se një centimetër në prostatë”.
“Pas ekzaminimit, rezultoi të ishte një fazë shumë e hershme e një tumori malinj, pa asnjë përhapje apo metastazë”, tha Netanyahu.
